അതായിരുന്നിരിക്കാം വിധി...
ചിത്രങ്ങളെയും വര്ണ്ണങ്ങളെയും ഇഷ്ടപ്പെട്ടിരുന്നു... ഒപ്പം കലാകാരന്മാരെയും. അതുകൊണ്ട് ആയിരിക്കാം ഫോട്ടോഗ്രാഫിയും ഇഷ്ടപ്പെട്ടത്.
അച്ഛനും അമ്മയും, സഹോദരങ്ങളും തുടര്ന്ന് പഠിക്കാന് പറഞ്ഞു എങ്കിലും, വീട്ടിലെ സാഹചര്യങ്ങള് എന്നെ അതില് നിന്നും പിന്തിരിപ്പിച്ചു. ഒരു കൈത്തൊഴില് അതായിരുന്നു പിന്നെ എന്റെ മനസ്സില്.
ഇഷ്ടപെട്ട വഴിയിലൂടെ ഉള്ള സഞ്ചാരം.., ആരും കൊതിക്കാറുണ്ട്... ഞാനും കൊതിച്ചു.. അതിനായ്...
സെന്റ് ഓഫ് കഴിഞ്ഞു ഗ്രൂപ്പ് ഫോട്ടോയ്ക്ക് പോസ് ചെയ്യുമ്പോള്, ഞാന് ശ്രദ്ധിച്ചത് ആ ഫോടോഗ്രാഫറെ ആയിരുന്നു... ഭരതേട്ടന്..
അച്ഛനോട് ഞാന് പറഞ്ഞു, എനിക്ക് ഭാരതെട്ടന്റെ സ്റ്റുഡിയോയില് സഹായി ആയി നില്ക്കണം എന്ന്. അങ്ങനെ നിള സ്റ്റുഡിയോയില് ഞാന് പോയി തുടങ്ങി... അതായിരുന്നു എന്റെ ഫോട്ടോഗ്രാഫി യാത്രയുടെ തുടക്കം...